Almatydaǵy avtobýs apaty: prokýror aıyptalýshyny 2,5 jylǵa bas bostandyǵynan aıyrýdy surady

ALMATY. KAZINFORM – Almatyda «5:32» serıalynyń prodıýseri sebepker bolǵan jol apatyna qatysty sot otyrysy jalǵasyp jatyr.

Іs Almaly aýdandyq sotynda QR Qylmystyq kodeksiniń 345-babynyń 3-bóligi boıynsha qaralyp jatyr. 28 jastaǵy áıelge kólik quralyn basqarý kezinde jolda júrý qaǵıdalaryn buzý, onyń ishinde abaısyzda adam ólimine ákep soǵý baby boıynsha aıyp taǵylyp otyr.

Prokýror sottan Anel Sarataevany kináli dep tanyp, 2 jyl 6 aıǵa bas bostandyǵynan aıyrýdy surady.

«Sottan Anel Sartaeva jazasyn eń tómengi túzeý mekemesinde óteýdi, sondaı-aq 5 jyl merzimge kólik quralyn basqarý quqyǵynan aıyrý týraly jaza taǵaıyndaýdy jáne bultartpaý sharasyn qamaýǵa alý túrine aýystyrylýyn suraımyn», - dedi prokýror.

Aıyptaýshynyń sózinshe, Sartaevanyń jazasyn jeńildetetin mán-jaılarǵa onyń shyn júrekten ókinýi, kinásin moıyndaýy, jas balasynyń bolýy, sondaı-aq qylmystyń birinshi ret jasalýy jáne aýyrlyǵy tómen bolýy jatady.

Osyǵan deıin, jol apatynan qaza bolǵan marqumnyń otbasy júrgizýshini keshirgeni týraly jazǵan edik. 

Eske salaıyq, 26 maýsym kúni qoǵamdyq kólik pen jeńil mashına soqtyǵysqan edi. Saldarynan 16 adam jaraqat alyp, bir adam qaza tapty. 

Keıin qoǵamdyq kólik kamerasy túsirgen beınejazba jelide tarady. 

Avtobýstyń apatqa ushyraýyna «5:32» serıalynyń prodıýseri sebepker bolǵan. 

Keıin kúdikti dep tanylǵan jeńil kólik júrgizýshisi Anel Sartaeva tergeý ýaqytynda úı qamaǵynda bolatyny týraly jazǵan edik.