Almatydaǵy avtobýs apaty: qoǵamdyq kólik kamerasy túsirgen beınejazba jelide tarady

ALMATY. KAZINFORM – Almatydaǵy apatqa ushyraǵan avtobýstyń kamerasy túsirip alǵan beınejazba áleýmettik jelidegi paraqshalarǵa jarııalandy.  

Oqıǵa Mega park oıyn-saýyq ortalyǵynyń janynda, Maqataev jáne Masanshy kósheleriniń qıylysynda boldy. Qoǵamdyq kólik kamerasy túsirgen beınejazbadan Maqataev kóshesiniń boıymen kele jatqan avtobýsqa jeńil kóliktiń soǵylǵanyn kórýge bolady. 

Eske salaıyq, Almatyda 18-shi baǵyttaǵy avtobýs apatqa ushyrap, bir adam qaza tapty. 

Almaty qalasynyń Densaýlyq saqtaý basqarmasy avtobýstyń ishinde bolǵan jolaýshylardyń 25-i zardap shekkenin málimdedi.