Almatydaǵy attraktsıonda jas qyz jaraqat aldy – polıtsııa is qozǵady
ALMATY. KAZINFORM – Almatyda attraktsıonǵa otyrǵan qyz jaraqat aldy.
Bul týraly áleýmettik jelide balanyń anasy Madına Askenova jazdy.
Onyń aıtýynsha, qyzy Family Park attraktsıonyna otyrǵan kezde mehanızm oqys qosylyp, tym jyldam aınalǵan. Nátıjesinde bala temir qurylymǵa soǵylyp, alǵan jaraqattan kóp qan joǵaltqan.
Almaty qalasynyń polıtsııa departamenti bul derek boıynsha qylmystyq is qozǵalǵanyn málimdedi.
– Atalǵan derek boıynsha Áýezov aýdanynyń polıtsııa basqarmasy Qazaqstan Respýblıkasy Qylmystyq kodeksiniń 306-baby 2-bóligi boıynsha (Qaýipsizdik talaptaryna saı kelmeıtin qyzmet kórsetý) tergeý júrgizip jatyr. Tıisti saraptamalar taǵaıyndaldy. Qylmystyq is aıasynda júrgizilip jatqan keshendi tergeý sharalarynyń nátıjeleri boıynsha protsestik sheshim qabyldanady, - dep habarlady polıtsııadan.
Eske salaıyq, Arbatta masań kúıde jatqan jasóspirimderdiń ata-analary jazalandy.