Almatydaǵy aryqtar men káriz jelileri nege bitelip qalady
ALMATY. KAZINFORM - Káriz problemasy kóbine ony qoqys jáshigi retinde paıdalaný saldarynan týyndaıdy. Bul týraly «Almaty Sý» kásiporny málim etti.
«Almaty Sý» MKK aqparaty boıynsha, káriz lıýkterin urlaý qalanyń barlyq aýdanynda baıqalady. Sońǵy oqıǵa Shapaǵat shaǵyn aýdanda boldy. Osy jyldyń aqpan-mamyr aralyǵynda merdiger uıym kepildik mindettemeler aıasynda 8 lıýk qaqpaǵyn ornatty, olardyń jartysy qoldy bolǵan. Merdiger lıýk qaqpaqtaryn 25 mamyrǵa deıin qalpyna keltiredi.
«Urlyq qalalyq ınfraqurylymǵa aýyr zardaptar ákeledi. Káriz jelilerin bitep tastaıtyn qoqys ashyq qudyqtarǵa túsedi. Onyń ishinde, synǵan termometrler, merzimi ótken dári-dármek, aerozolder, elektrondy qurylǵylar, flýorestsentti shamdar, rezeńke buıymdar, jıhaz jáne ydys-aıaq bar», - dep shaǵymdandy «Almaty Sý» MKK.
Lıýk- kommýnaldyq qyzmetterdiń jalǵyz problemasy emes. Qala ishindegi aryq jelileri de únemi qoqysqa tolyp jatady.
«Azamattar aryqtardy jáne kanaldardy bitep tastaıdy. Káriz problemalary kóbinese ony qoqys jáshigi retinde paıdalaný saldarynan týyndaıdy. Qaldyqtardy durys paıdalanbaý qatty sý tasqynyna ákelýi múmkin. Turmystyq qaldyqtarmen birge tastalǵan keıbir zattar qorshaǵan ortaǵa qaýip tóndiretinin este ustaǵan jón. Aýmaqtardy abattandyrý erejelerin buzǵany úshin ÁQBtK-niń 505-baby boıynsha ákimshilik jaýapkershilik júkteledi»,- dep atap ótti «Almaty Sý».
Almatyda kez kelgen aýa raıynda jáne táýlik boıy qala kóshelerinde tazalyq pen tártipti qamtamasyz etetin 1000-nan astam jol jumysshysy men 500 birlik arnaıy tehnıka jumys isteıdi.
«Kommýnaldyq qyzmetter kún saıyn júzdegen tonna qoqys pen turmystyq qaldyqtardy shyǵarady. Osyǵan baılanysty qala turǵyndary men qonaqtarynan qorshaǵan ortaǵa uqypty qaraýdy, kommýnaldyq qyzmetkerlerdiń jáne bir - biriniń eńbegin qurmetteýdi suraımyz», - dep atap ótti «Almaty Sý» MKK ókilderi.
Sondaı-aq kárizge tastaýǵa bolmaıtyn zattardyń atyn atady.
«Máselen, kúrish pen makaron-bul ónimder sýda qatty isinedi, bul bitelýge kepildik beredi. Shash kóbinese qubyrlardy bitep tastaıdy. Áıelder gıgıenasy ónimderi men podgýznıkter ylǵaldy sińiredi jáne qubyrdaǵy sýdyń júrýine kedergi kaeltiredi. Qurylys qoqystary, tipti usaq úgindiler men qum qubyrlardy qatty bitep, tótenshe jaǵdaıǵa týǵyzýy múmkin. Sonympen qatar, banka, qoraptardaǵy jáne jemis- jıdekterdegi japsyrmalar-olar sýda uzaq ýaqyt erıdi, al olarǵa qoldanylatyn jelim bitelýge yqpal etedi»,- deıdi mamandar.
Aıtýlarynsha, kárizge uqypty qaraý jáne usynystardy saqtaý tótenshe jaǵdaılardy boldyrmaýǵa jáne qalalyq ınfraqurylymdy durys ustaýǵa kómektesedi.
