Almatydaǵy 6 mıkrokarjylyq uıymnyń basshylyǵyna qatysty tergeý júrgizilip jatyr

ASTANA. KAZINFORM — Almaty qalasy boıynsha QMA departamenti alty mıkroqarjy uıymnyń zańsyz áreketterin áshkereledi. Bul týraly QMA baspasóz qyzmeti habarlady. 

«Creditum» MQU, «Sofi Finance» MQU, «Hava Finance» MQU, «SF Offline» MQU, «POS Credit» MQU, «Sálem Kredıt» MQU basshylyǵyna qatysty alaıaqtyq jáne zańsyz kásipkerlik qyzmet boıynsha tergeý amaldary júrgizilip jatyr.

— Tólemderi keshiktirilgen qaryz alýshylardy «KOKE.KZ», «TENGO.KZ», «HAVA.KZ» platformalary arqyly seriktes kompanııalarmen kepildik sharttaryn jasaýǵa májbúrlegen. Bul rette kepil berýshiniń jaýapkershiligi tek qaryz alýshy qaıtys bolǵan jaǵdaıda ǵana kúshine engen. Atalǵan qyzmet úshin bastapqy nesıe somasynan birneshe ese asyp túsetin tólemder alyp, azamattardy qaryzǵa batyrǵan. Saldarynan qaryz alýshylar nesıeniń bastapqy somasynan 3-5 ese kóp tólem jasaýǵa májbúr bolǵan. Mysaly, qaryz alýshy Sh. 120 myń teńge nesıe alyp, negizgi qaryz ben paıyzdardy qospaǵanda tek kepildik úshin 446 myń teńge tólegen, — delingen habarlamada.

Osylaısha, mıkroqarjy uıymdarynyń negizgi tabysy jalǵan kepildik sharttary boıynsha tólemderden jasalǵan.

Atalǵan zańsyz áreketterden jalpy somasy 30 mlrd teńge kóleminde shyǵyn kelgen.

Tergeý jalǵasyp jatyr.

Aıta ketelik Qarjy monıtorıngi agenttigi Bas prokýratýranyń úılestirýimen «Asar Baspana» qarjy pıramıdasynyń qyzmetin toqtatqan edi.