Almatydaǵy №2 JEO kómirden gazǵa kóship jatyr: jańa qazandyq jylý bere bastady
ASTANA. KAZINFORM — Almatydaǵy №2 jylý elektr ortalyǵynda kómirdiń ornyna tabıǵı gazben jumys isteıtin jańa qazandyq iske qosyldy. Bul stantsııany tolyq jańǵyrtý jáne gazǵa kóshirý jumystarynyń mańyzdy kezeńi sanalady. Bul týraly Energetıka mınıstrligi málim etti.
Vedomstvonyń málimetinshe, nysannyń iske qosylýy stantsııany aýqymdy jańǵyrtý jáne kómirden tabıǵı gazǵa kóshirý jumystarynyń kezekti mańyzdy kezeńi.
— Jańa sý jylytý qazandyǵy jylytý jáne ystyq sýmen jabdyqtaý qajettilikteri úshin jylý óndiredi. Onyń iske qosylýy Almaty tutynýshylaryn senimdi jylýmen qamtamasyz etýge jáne qajetti jylý qýatynyń rezervin qalyptastyrýǵa múmkindik beredi, — delingen habarlamada.
Osylaısha, Almatydaǵy №2 JEO-da jylý generatsııasynyń jańa nysany iske qosyldy. Al kelesi mańyzdy kezeń elektr energııasyn óndirýge arnalǵan bý-gaz qondyrǵysynyń energetıkalyq jabdyqtaryn iske qosý bolady.
Stantsııany jańǵyrtý kómirdi paıdalanýdan bas tartýǵa, elektr jáne jylý energııasyn óndirý tıimdiligin arttyrýǵa, sondaı-aq Almaty qalasyna túsetin ekologııalyq júktemeni azaıtýǵa múmkindik beredi.
