Almatyda zorlaý deregi boıynsha 29 jastaǵy kúdikti ustaldy

ALMATY. KAZINFORM – Almatyda túngi mekeme qyzmetkerin zorlady degen kúdikpen er adam ustaldy.

Almaty qalasynyń polıtsııa departamenti áleýmettik jelilerge monıtorıng júrgizip, ózin Elıseı dep tanystyrǵan tulǵanyń beınejazbasyna mán bergen. Ol beınerolıkte qaladaǵy túngi mekemelerdiń birinde zorlaý deregi bolǵandyǵy týraly habarlaǵan.

- Atalǵan derek boıynsha Medeý aýdandyq polıtsııa basqarmasy qylmystyq is qozǵady.
Jedel-izdestirý is-sharalary barysynda jábirlenýshiniń jeke basy anyqtalyp, ol polıtsııaǵa resmı túrde aryzdandy.

Kúdikti retinde 29 jastaǵy azamat – atalǵan mekemeniń basshysy ustalyp, ýaqytsha ustaý ızolıatoryna qamaldy. Qazirgi ýaqytta qajetti tergeý amaldary júrgizilip jatyr.

Tergeý barysynda kúdiktiniń áreketine quqyqtyq baǵa beriledi, onyń ishinde málimdelgen jaǵdaılar eskeriletin bolady, - dep habarlady polıtsııadan.

Tergeý barysy Almaty qalasy polıtsııa departamenti basshylyǵynyń baqylaýynda.

Eske salaıyq, buǵan deıin Aqnár Gúlstan ólimine qatysty tergeý barysy departament basshylyǵynyń erekshe baqylaýynda ekeni habarlandy.