Almatyda júzdegen avtobýs aýa sapasyn buzýǵa sebepshi
ALMATY. KAZINFORM — Eco Almaty mobıldi ekologııalyq zerthanalary qoǵamdyq kóliktiń atmosferaǵa bóletin shyǵaryndylarynyń deńgeıin tekserýdi jalǵastyryp jatyr.
2026 jyly 5 naýryzda mamandar «Doschan-M» avtoparkiniń avtobýstaryna monıtorıng júrgizdi. Barlyǵy 87 avtobýs tekserildi. Ólsheý nátıjesinde dızel otynymen júretin 26 avtobýsta ýyttylyq normatıvteriniń shekten asqany anyqtaldy.
Sonymen qatar KAP-3 jáne KAP-6 avtobýs parkterinde katalıtıkalyq túrlendirgishteri joq 85 avtobýs anyqtaldy.
— Jalpy, qala boıynsha 2025 jyldyń sońynda ýyttylyq normasy asyp ketken 250-den astam avtobýs tirkelgen, — delingen habarlamada.
Qala ákimdigi qoǵamdyq kólikti tekserý jumystary jalǵasyp jatqanyn málimdedi. Bul sharalar ekologııalyq talaptardyń saqtalýyn qamtamasyz etýge jáne qaladaǵy atmosferalyq aýany lastaıtyn zııandy shyǵaryndylardy azaıtýǵa baǵyttalǵan.
Eske salaıyq, buǵan deıin Almatyda aqpan aıynda 600-den astam avtokólik ekologııalyq normany buzǵanyn habarlaǵanbyz.
