Almatyda jýrnalısterge shabýyl jasaǵan 5 adamǵa sot úkimi shyqty

Almatyda jýrnalısterge shabýyl uıymdastyrǵan birneshe turǵynǵa qatysty sot úkimi shyqty, dep habarlaıdy Kazinform.

Almaty qalasynyń ıývenaldy sotynda jýrnalısterge shabýyl uıymdastyrdy degen aıyp boıynsha Tokarevke qatysty qylmystyq is qaraldy.

Oǵan jýrnalısterdiń zańdy kásibı qyzmetine kedergi keltirdi, jeke ómirge jáne derbes derekterge qol suǵylmaýshylyqty buzdy, kámeletke tolmaǵandardy qylmystyq quqyq buzýshylyqtar jasaýǵa tartty, qorqytty, buzaqylyq jasady, aqparattyq júıeniń jumysyn buzdy jáne bótenniń múlkine qasaqana zaqym keltirdi degen birqatar aıyp taǵyldy.

Sondaı-aq buzaqylyq jasaý jáne bótenniń múlkin qasaqana joıý derekteri boıynsha kámeletke tolmaǵan K., T., S. jáne A.-ǵa qatysty is qaraldy.

«Sýdıa Tokarevti shartty túrde 4,5 jylǵa, al kámeletke tolmaǵan qalǵan tórt qatysýshyny 1 jylǵa jáne 4 aıǵa shartty túrde jazalaýǵa úkim shyǵardy», - dep habarlady sottan.

Sot úkimi zańdy kúshine engen joq.

Buǵan deıin, jýrnalısterdiń kásibı qyzmetine kedergi keltirgen Arkadıı Klebanov (Manevıch) sot úkimimen túrmege emes, psıhıatrııalyq klınıkaǵa emdelýge jiberilgeni týraly jazǵan bolatynbyz.