Almatyda jýrnalıster skveri jańartyldy
ALMATY. KAZINFORM – Almatyda QR Ortalyq memlekettik mýzeıiniń janyndaǵy jýrnalıster skverin rekonstrýktsııalaý jumysy aıaqtaldy.
Almaty ákimdiginiń málimetinshe, skver aýmaǵy – 1,3 gektar. Ol 1997 jyly salyndy jáne jańartýdy qajet etti. Óıtkeni osy ýaqyt ishinde jóndeý jumystary júrgizilmegen.
«Soqpaq joldardyń jabyny buzylǵan. Eskertkish ornalasqan aýmaqtyń da jabynyn aýystyrý qajet bolatyn. Oryndyqtar men qoqys jáshikteri jaramsyz bolyp, aýmaqty kógaldandyrýdy jańartý qajettigi týyndady», - dep habarlady qalalyq ákimdikten.
Jańartý barysynda kespe tas tóseý, jıektastardy montajdaý jumystary júrgizildi, 12 jańa oryndyq pen 14 qoqys jáshigi ornatyldy. 3,8 myń buta men 10 túp týıa aǵashy otyrǵyzyldy. Sonymen qatar Meńdiqulov kóshesine qaraı qosymsha jaıaý júrginshiler joly salyndy.
