Almatyda júrgizýshi kýáliginen aıyrylǵan 400 adam qaıtadan kólik basqarǵan
ALMATY. KAZINFORM — Almatyda sot sheshimine qaramastan kólik basqarǵan 400-den astam júrgizýshi anyqtaldy.
Qalalyq polıtsııa departamentiniń málimetinshe, jyl basynan beri kólik basqarý quqyǵynan aıyrylǵanyna qaramastan, qaıtadan rólge otyrǵan 414 júrgizýshi ustaldy. Olardyń barlyǵy buǵan deıin jol qozǵalysy erejelerin óreskel buzǵany úshin sot sheshimimen kólik basqarý quqyǵynan aıyrylǵan.
— Olardyń qatarynda mas kúıinde nemese esirtki qoldanǵannan keıin kólik júrgizgen, qarsy baǵytqa shyqqan jáne jol qozǵalysynyń basqa da óreskel erejelerin buzǵan azamattar bar. Mundaı áreketter joldaǵy adamdardyń ómiri men densaýlyǵyna qaýip tóndiredi, — dep habarlady polıtsııadan.
Júrgizýshi kýáliginen aıyrylǵanyna qaramastan qaıtadan kólik tizgindegen bul júrgizýshiler zań aldynda qaıtadan jaýap beredi.
Eske salaıyq, buǵan deıin Almatyda kólikti toqtatpaı shyǵaryndylaryn ólsheıtin júıe synaqtan ótkizilip jatqanyn jazǵanbyz.