Almatyda jumyssyzdyq deńgeıi 4,6 paıyzǵa tómendedi

ALMATY. KAZINFORM – Byltyr megapolıste 73,9 myń jumys orny ashyldy.

Óńdeý ónerkásibi - qala ekonomıkasyn ártaraptandyrýdyń negizgi faktory. Indýstrıaldy aımaqta 485 mlrd teńgeniń 67 jobasy iske asyrylyp jatyr. Munda 11,6 myń jumys orny quryldy.

– Byltyr 73,9 myń jumys orny ashyldy. Qurylǵan jumys oryndarynyń 83,2% - y turaqty. Nátıjesinde Almatyda jumyssyzdyq deńgeıi 2024 jyldyń úshinshi toqsanynda 4,6% - ǵa deıin tómendedi, – dep habarlady ákimdikten.

Almaty ákimdiginen málim etkendeı, 2025 jyly quny 197 mlrd teńge bolatyn 15 jobany júzege asyrý josparda. Bul 2,7 myń adamnyń jumysqa ornalasýyna múmkindik bermek.

Osyǵan deıin 2024 jyly 845 myń qazaqstandyqtyń jumyspen qamtylǵany týraly jazǵan edik.