Almatyda jumyspen qamtý basqarmasynyń bólim basshysy sottaldy

ALMATY. KAZINFORM – Jumyspen qamtý jáne áleýmettik baǵdarlamalar basqarmasynyń bólim basshysy sottaldy. Bul týraly Antıkor málim etti. 

— 20 mamyrda Almaty qalasy Jetisý aýdandyq sotymen qalalyq Jumyspen qamtý jáne áleýmettik baǵdarlamalar basqarmasynyń bólim basshysy A. Óserbaev sottaldy. Ol «Suberpro-com» JShS ókiliniń «Tserebraldyq sal aýrýy» dıagnozy qoıylǵan balalarǵa arnaýly áleýmettik qyzmetter kórsetý boıynsha shart jasasýǵa járdemdesý syltaýymen 3,6 mln teńge somasynda aqsha qarajatyn jymqyrýǵa oqtalǵany úshin kináli dep tanyldy, — delingen habarlamada.

Óserbaevqa memlekettik qyzmette jáne kvazımemlekettik sektor sýbektilerinde qyzmet atqarýǵa ómir boıyna tyıym sala otyryp, 27 mln teńge kóleminde aıyppul túrinde jaza taǵaıyndaldy.

Sot aktisi zańdy kúshine endi.

Buǵan deıin habarlanǵandaı, antıkor Ekologııa mınıstrligine qarasty 8 qyzmetkerdiń jemqorlyq boıynsha sottalǵanyn málimdegen edi.