Almatyda Jumabaev pen Maqataev kósheleriniń qıylysy úsh kúnge jabylady

ALMATY. KAZINFORM – Almatyda Jumabaev pen Maqataev kósheleriniń qıylysynda kólik qozǵalysy shekteledi.

5 shilde keshki saǵat 20:00-den 8 shilde túngi saǵat 23:00-ge deıin Aınabulaq shaǵyn aýdanynda Jumabaev pen Maqataev kósheleriniń qıylysy jabylady. Eki baǵytta da kólik qozǵalysy shekteledi.

«1981 jyldan bastap paıdalanýǵa berilgen jalpy uzyndyǵy 2 135 metrlik qubyrdy aýystyrý kezinde qaýipsizdikti qamtamasyz etý úshin jabylady», - dep habarlady «Almaty jylý jelileri» JShS.

Bul qubyr 344 kóppáterli turǵyn úıdi, 11 bilim berý jáne 3 densaýlyq saqtaý nysanyn 483 basqa da ǵımarattardy jylýmen jáne ystyq sýmen qamtamasyz etedi. Jańǵyrtý jumystaryna qaramastan tutynýshylarǵa ystyq sý burynǵysynsha úzdiksiz beriledi. 

Eske salaıyq, Almatyda bıyl uzyndyǵy 250 km bolatyn 274 kóshe ortasha jóndeýden ótedi, osylaısha 92%-ǵa deıin joldyń úlesin jaqsy jáne qanaǵattanarlyq jaǵdaıda jetkizý josparlanǵan.