Almatyda júkti áıelge bir mezgilde eki ota jasaldy

ALMATY. KAZINFORM — Almaty kópsalaly klınıkalyq aýrýhanasynda dárigerler júktiliktiń 38-shi aptasyndaǵy naýqasqa biregeı ota jasady. Aq halattylar bir ýaqytta áıeldi kesir tiligi arqyly bosandyryp, ekinshi operatsııada tamyrly isikti alyp úlgerdi.

Áıel aýrýhanaǵa tolyq júktilik jáne muryn vestıbýlıtiniń gemangıomasy dıagnozymen túsken. Qan tamyrlarynyń paıda bolýy qan ketýdiń qaýpin týdyrdy. Mundaı jaǵdaı áıeldiń aldyńǵy júktiligi kezinde oryn alǵan. Sondyqtan naýqastyń jaǵdaıy tez arada qaýipsiz sheshim shyǵarýdy talap etti.

Akýsher-gınekologtar, anestezıologtar jáne LOR mamandary qatysqan mýltıdıstsıplınarlyq konsılıýmnan keıin bir mezgilde gemangıomany alyp tastaý arqyly kesir tiligin jasaý týraly sheshim qabyldandy. 

Operatsııa eki kezeńde jasaldy. Aldymen akýsher-gınekolog brıgadasy kesir tiligin sátti oryndap, áıeldi bosandyryp aldy. Sodan keıin LOR mamandar qan joǵaltýdyń aldyn alý úshin barlyq saqtyq sharalaryn qoldanyp, tamyrly zaqymdanýdy alyp tastady.

Dárigerlerdiń úılesimdi áreketiniń arqasynda eki ota da sátti ótti. Ana men jańa týǵan náresteniń jaǵdaıy turaqty, operatsııadan keıingi kezeń eshbir qıyndyqsyz ótti.

Osyǵan deıin Almatyda dárigerler júkti áıeldiń sábıine zııan keltirmeı júrekke ota jasaǵan bolatyn.