Almatyda júkti áıeldiń júregine kúrdeli ota jasaldy
Qalalyq kardıologııa ortalyǵynda júktiligi 6 aıdan asqan áıeldiń júregine biregeı operatsııa jasaldy, dep habarlaıdy QazAqparat tilshisi.
Almaty qalalyq densaýlyq saqtaý basqarmasynyń málimetinshe, operatsııa kardıologııa ortalyǵy uıymdastyrǵan sheberlik saǵaty aıasynda Reseı Federatsııasynyń úzdik arıtmology Sergeı Artemenkonyń qatysýymen ótken.
Patsıent ortalyqqa arıtmııanyń joǵary jıiligimen aýyr jaǵdaıda, shamamen mınýtyna 240 soqqyǵa jetetin jaǵdaıda túsken. Negizgi norma — 90 bolýy kerek.
Dárigerler júkti áıelge Volf-Parkınson-Ýaıt sındromy, tahıkardııa dıagnozyn qoıdy.
Joǵary táýekelge qaramastan, konsılıýmnyń sheshimimen hırýrgııalyq ota jasaý jóninde sheshim qabyldandy.
Arıtmologııa bóliminiń meńgerýshisi Bekjan Rysmendıev reseılik áriptesi Sergeı Artemenkomen birge júrek yrǵaǵynyń buzylýyn emdeý úshin eki saǵattyq hırýrgııalyq operatsııa — radıojıilikti kateterlik ablıatsııa júrgizdi.
«Bul shaǵyn ınvazıvti ádis, jergilikti anestezııamen jasaldy. Esh kesýsiz eki pýnktsııa arqyly biz patologııalyq oshaqty „zergerlik“ túrde joıa aldyq. Operatsııa sátti ótti. Áıeldiń jáne qursaǵyndaǵy balanyń jaǵdaıy jaqsy. Dál osy ortalyqta mundaı operatsııa alǵash ret jasaldy jáne bul sońǵy ret emes dep úmittenemin. Mundaǵy jabdyq zamanaýı standarttarǵa sáıkes keledi, onyń kómegimen júrek yrǵaǵynyń buzylýymen baılanysty kez kelgen operatsııany, sonyń ishinde júkti áıelderdi de jasaýǵa bolady», — dep atap ótti Sergeı Artemenko.
Bolashaq ananyń sózinshe, dárigerler oǵan júrek yrǵaǵynyń buzylýy dıagnozyn byltyr qoıǵan.
«Ótken jyly maǵan týabitken júrek yrǵaǵynyń buzylýy dıagnozy qoıyldy. Biraq aýrý meni mazalaǵan emes. Árıne, dıagnozdy bilgennen keıin ýaqytynda ota jasaý kerek edi, biraq, ókinishke qaraı, osylaı boldy. Bala úshin qatty ýaıymdadym. Qudaıǵa shúkir, dárigerler bári jaqsy ótti dedi. Meniń jáne balamnyń ómirin saqtap qalǵany úshin dárigerlerge kóp rahmet. Kez kelgen operatsııa táýekel ekenin túsinemin. Al júkti bolǵan kezde bul táýekel eki ese artady», — deıdi júkti áıel.
Qalalyq kardıoortalyq dırektory Roza Kýnyshbekovanyń aıtýynsha, bul —erekshe tájirıbe. Mundaı aýrý aýyr júrek problemalaryna ákelýi múmkin.
«Arıtmııany durys dıagnostıkalaý naýqastyń boljamyn túbegeıli ózgertedi, ýaqtyly emdeý taktıkasymen aýrý qaýipti bolmaıdy. Júrektiń arıtmogendik aımaqtaryna joǵary jıilikti toktyń núktelik áseriniń nátıjesinde júrek soǵysy naqty qalypqa keltiriledi. Bul patsıentke qalypty ómirge oralýǵa, júktilikti sońyna deıin jetkizýge jáne ana bolýǵa múmkindik beredi», — dep atap ótti ol.
Dárigerdiń aıtýynsha, sheberlik saaǵy 7 kún ótedi, 4 kúnde 35 operatsııa jasaldy.
Mundaı operatsııaǵa týabitken jáne júre paıda bolǵan patologııalar alyndy.
