Almatyda júk kólikterin zańsyz tirkegen HQO-nyń 5 qyzmetkeri sottaldy
ASTANA. KAZINFORM — Arnaıy prokýrorlar Almaty qalasynyń Mamandandyrylǵan HQO qyzmetkerlerine qatysty qylmystyq is boıynsha sotqa deıingi tergep-tekserýdi aıaqtady, dep habarlaıdy qalalyq prokýratýranyń baspasóz qyzmeti.
Tergeý nátıjesinde 2023 jyly Mamandandyrylǵan HQO-nyń 5 qyzmetkeri 18 júk kóligin jalǵan qujattar boıynsha zańsyz tirkep, olardyń naqty shyǵarylǵan jylyn burmalaǵany anyqtaldy.
— Quqyqqa qarsy áreketterdiń nátıjesinde kólik quraldaryn bastapqy tirkegeni úshin alym retinde kózdelgen 164 mln teńge memlekettik bıýdjetke tolyq túspedi. Keshendi júrgizilgen tergeý áreketteri men sot saraptamalarynyń nátıjesi aıyptalýshylardyń quqyqqa qarsy áreketterin tolyǵymen rastady. Sotqa deıingi tergep-tekserý barysynda memleketke keltirilgen shyǵyn tolyq kólemde óteldi. Sottyń úkimimen sottalýshylar kináli dep tanylyp, ártúrli merzimge bas bostandyqtarynan aıyryldy, — delingen habarlamada.
Buǵan deıin júıege jalǵan málimet engizgen elordalyq HQO qyzmetkeri sottalǵanyn jazǵan edik.