Almatyda júk kóligi súıretip kele jatqan avtobýs jaıaý júrginshini qaǵyp ketti

ALMATY. KAZINFORM - Jol-kólik oqıǵasy Alataý aýdanynda bolǵan.

Almaty qalasy Polıtsııa departamentiniń málimetinshe, saǵat 15:50-de júk kóligi Emtsov kóshesiniń boıymen ońtústik baǵytta «VAZ» markaly avtobýsty súıretip kele jatqan. Qozǵalys kezinde kamaz ben avtobýsty baılanystyryp turǵan ilmek úzilip, nátıjesinde qoǵamdyq kólik trotýarǵa shyǵyp ketip, jaıaý júrginshini qaǵyp ketken.

- Ókinishke qaraı, oqıǵa saldarynan 1990 jyly týǵan er kóz jumdy. Polıtsııa departamentiniń Anyqtaý basqarmasy adam ólimine ákep soqtyrǵan jol-kólik oqıǵasyna qatysty qylmystyq is qozǵady. Tıisti saraptamalar taǵaıyndaldy, - dep habarlady polıtsııadan.

Eske salaıyq, buǵan deıin Almatyda kólik aýdarylyp, bir adam mert bolǵanyn jazǵanbyz.