Júk kóligi men poıyz soqtyǵysty
ALMATY. KAZINFORM – Almatyda júk kóligi poıyzben soqtyǵysty.
Polıtsııa departamentiniń málimetinshe, jol-kólik oqıǵasy Túrksib aýdanynda boldy. Aldyn ala málimet boıynsha KAMAZ júk kóliginiń júrgizýshisi manevr jasaý kezinde temirjol ótkeline shyǵyp, toǵyz vagonnan turatyn poıyzben soqtyǵysqan.
Jol apaty saldarynan KAMAZ júrgizýshisi túrli dene jaraqatyn alyp, medıtsınalyq mekemege jetkizildi. Júk kóligine aıtarlyqtaı mehanıkalyq zaqym kelgen.
Atalǵan jol-kólik oqıǵasy boıynsha Túrksib aýdandyq Polıtsııa basqarmasynda is tirkeldi. Tártip saqshylary qazirgi ýaqytta oqıǵanyń mán-jaıyn anyqtap jatyr.
- Temirjol ótkeli – qaýiptiligi joǵary aımaq. Mundaǵy bir ǵana qatelik orny tolmas saldarǵa ákelýi múmkin. Polıtseıler júrgizýshilerdi temirjol ótkelderinen ótý qaǵıdalaryn qatań saqtaýǵa jáne ótkelden ótý kezinde barynsha muqııat bolýǵa shaqyrady, - dep habarlady departamentten.
Buǵan deıin Almatyda jol apatynan eki adam mert boldy.
