Almatyda júk kóligi 7 jasar qyzdy basyp ketti

ALMATY. KAZINFORM — Almatyda jol-kólik oqıǵasynan oqýshy qyz mert boldy.

Almaty qalasy Polıtsııa departamentiniń málimetinshe, jol-kólik oqıǵasy búgin saǵat 12:18–de Alataý aýdanynda bolǵan. Júk kóligi Býrýndaıskaıa kóshesimen batys baǵytta kele jatyp Novaıa kóshesiniń qıylysynda joldan ótip bara jatqan 7 jasar qyzdy basyp ketken.

— Ókinishke qaraı, bala oqıǵa ornynda qaıtys boldy. Adamnyń ólimine ákep soqqan jol-kólik oqıǵasy faktisi boıynsha qylmystyq is qozǵaldy. Ol boıynsha saraptamalyq zertteýler júrgiziledi, — dep habarlady departamentten.

Eske salaıyq, buǵan deıin Almaty oblysynda órtengen kólik ishinen máıit tabylǵanyn jazǵanbyz.