Almatyda JRVI juqtyrǵandardyń sany 20 myńǵa jaqyndady

ALMATY. KAZINFORM – Almatyda jiti respıratorlyq vırýsty ınfektsııa (JRVI) men tumaý vırýstarynyń aınalymyna monıtorıng júrgizilip jatyr.

Sanıtarııalyq-epıdemıologııalyq baqylaý departamentiniń basshysy Qasymhan Alpysbaıulynyń aıtýynsha, zerthanalyq monıtorıng nátıjesi boıynsha qalada paragrıpp, rınovırýs, maýsymdyq koronavırýs sııaqty basqa da JRVI vırýstary aınalymda bar.

Ótken aptada JRVI-diń 18957 jaǵdaıy tirkelgen. Jas sanattary boıynsha naýqastar: 4 jasqa deıingi balalar - 31,5%, 5 - 14 jasta - 28,7%, 15 - 29 jasta - 17,3%, 30 - 64 jasta - 14,4%, 65 jas jáne odan joǵary - 8,0%. Sondaı-aq aldyńǵy apta ishinde qalanyń 137 mektebinde JRVI-diń 520 jaǵdaıy tirkelgen.

- «Táýekel tobyndaǵy» halyqty vaktsınatsııalaý úshin jergilikti bıýdjet qarajatyna úsh valentti «Grıppol plıýs» vaktsınasynyń 250 000 danasy satyp alyndy. Qalada 25 qyrkúıekten bastap medıtsına qyzmetkerleri, medıtsınalyq uıymda dınamıkalyq baqylaýda turǵan balalar, jetim balalar jáne ata-anasynyń qamqorlyǵynsyz qalǵan balalar, qarttarǵa arnalǵan medıtsınalyq-áleýmettik mekemelerdiń adamdary, múgedektigi bar adamdar, áskerı qyzmetshiler arasynda tumaýǵa qarsy vaktsınatsııa bastaldy, - dedi ol.

Eske salaıyq, buǵan deıin Almatyda qyrkúıekte tumaýǵa qarsy vaktsınatsııa bastalatynyn jazǵanbyz.