Almatyda JRVI juqtyrǵandar sany azaımaı otyr

ALMATY. KAZINFORM — Almaty qalasyndaǵy JRVI boıynsha epıdjaǵdaı týraly sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova aıtty.

Ol qalada JRVI syrqatynyń maýsymdyq ósýi baıqalatynyn atap ótti. Aıtýynsha, ótken aptada 14 720 adam tumaý juqtyrǵan.

Bul oǵan deıingi aptadaǵy kórsetkishten 5,2% joǵary, ol kezde 13 980 jaǵdaı boldy. Naýqastardyń basym bóligi — balalar, jalpy kórsetkishte olardyń úlesi — 57,5%.

Ásel Qalyqovanyń sózinshe, qalanyń 170 mektebinde JRVI juqtyrýy sany shekti kórsetkishten aspaıdy. Barlyǵy tumaýdyń 1045 jaǵdaıy tirkelgen. Bul oqýshylar arasynda 10 paıyzdan tómen.

— Jappaı aýrýshańdyqty boldyrmaý maqsatynda mektepke deıingi mekemeler men mektepterde tańerteńgilik fıltrlerdiń jumysy kúsheıtildi. Emhanalarda temperatýrasy bar naýqastar bólek qabyldanady. JRVI, tumaý aýrýymen aýyratyndarǵa kómek kórsetý úshin qosymsha telefon men avtokólikter bólingen, kezekshi dárigerlerdiń jumys isteý kestesi uzartyldy, — dedi departament ókili.

Eske salaıyq, buǵan deıin JRVI juqtyrýy kórsetkishi 6,8%-ǵa kóbeıip, Almatyda 13980 jaǵdaı tirkelgenin jazǵanbyz.