Almatyda JRVI-men syrqattanýdyń maýsymdyq ósýi baıqalady
Almatyda jiti respıratorly vırýsty ınfektsııa «JRVI» juqtyrýdyń maýsymdyq ósýi baıqalady. Bul týraly óńirlik kommýnıkatsııalar qyzmetiniń brıfınginde qalalyq sanıtarlyq-epıdemıologııalyq baqylaý departamenti basshysynyń orynbasary Ásel Qalyqova málimdedi, dep habarlaıdy QazAqparat tilshisi.
Spıkerdiń sózinshe, ótken jyldyń osy kezeńimen salystyrǵanda JRVI-men syrqattanýdyń 4,6% - ǵa óskeni baıqalady.Tirkelgen jaǵdaılardyń 65,1% - y balalarǵa tıesili.
«Qazirgi ýaqytta tumaýdyń zerthanalyq rastalǵan jaǵdaılary tirkelgen joq, JRVI vırýstary rınovırýs retinde taralýda. DDU-nyń epıdemıologııalyq jáne zerthanalyq derekterin eskersek, aldaǵy kúz-qys maýsymynda V vırýsynyń qosylýymen A/H1N1/ pdm09 jáne A/H3N2 tıpti vırýs sýbtıpteriniń parallel aınalymyn jáne yqtımaldyqtyń úlken úlesin, sondaı-aq, basqa tumaý vırýstary arasynda A/H1N1/ pdm09 tumaý vırýsynyń basym bolatynyn boljaýǵa bolady», - dedi Ásel Qalyqova.
Epıdemıologtyń aıtýynsha, tumaýdyń aldyn alýdyń eń tıimdi ádisi - der kezinde vaktsınatsııadan ótý.
«Qalada 2023 jylǵy 25 qyrkúıekten bastap «táýekel tobyndaǵy» adamdardy tumaýǵa qarsy vaktsınatsııalaý bastaldy, bul topqa medıtsına qyzmetkerleri, medıtsınalyq uıymdarda medıtsınalyq baqylaýǵa jatatyn balalar, alty aıdan asqan jıi aýyratyn balalar, jetim balalarǵa arnalǵan bilim berý uıymdarynyń balalary jáne ata-anasynyń qamqorlyǵynsyz qalǵan balalar, balalar úıleri, júrek-qantamyr júıesi men tynys alý organdarynyń sozylmaly aýrýlary bar adamdar, medıtsınalyq-áleýmettik mekemelerdiń qyzmet alýshylary, 2-shi nemese 3-shi trımestrdegi júkti áıelder kiredi. Osy jyldyń 27 qyrkúıeginde tumaýǵa qarsy «táýekel tobyndaǵy» 18348 adam vaktsınatsııalandy. Tumaýǵa qarsy ekpeler aǵymdaǵy jyldyń qarasha aıynyń sońyna deıin júrgiziledi», - dedi spıker.
Sondaı-aq, ol jeke medıtsınalyq ortalyqtarda tumaýǵa qarsy ekpe alǵysy keletin halyqqa, onyń ishinde jumys berýshilerdiń qarajaty esebinen túrli saladaǵy qyzmetkerlerge aqyly negizde vaktsınatsııa júrgizilip jatqanyn atap ótti.
Aıta keteıik, halyqty ımmýndaý úshin tumaýǵa qarsy «Grıppol+» vaktsınasynyń 250 myń dozasy satyp alyndy.
«Grıppol+» ınaktıvatsııalanǵan vaktsına Reseıde óndirilgen jáne quramynda tumaý vırýsynyń A (H1N1 jáne H3N2) jáne V qosalqy tıpiniń shtamdary bar.
