Almatydaǵy túngi klýbtardyń birinde jóspirimder janjal shyǵardy

ALMATY. KAZINFORM – Almatyda jasópirimder túngi klýbqa kirip, ishimdik ishken.

Áleýmettik jelide mas kúıinde Helloýın merekesin atap ótken jasóspirimderdiń beınejazbasy tarady. Atalǵan derek boıynsha polıtsııaǵa habarlama kelip túsken. Oqıǵa ornyna ýchaskelik ınspektorlar men ıývenaldy polıtsııa qyzmetkerleri kelgen. 

Beınejazbadan jasóspirimder men olardyń ata-analary jáne polıtsııa qyzmetkerleri arasynda janjal shyqqanyn kórýge bolady. 

– 6 kámeletke tolmaǵan jasóspirim anyqtaldy. Medıtsınalyq saraptama qorytyndysy boıynsha olardyń ekeýiniń alkogoldik ishimdik ishkeni jáne mas bolǵany belgili boldy. Balalardy tárbıeleý jónindegi mindetterin tıisinshe oryndamaǵany úshin ata-analaryna qatysty ákimshilik shara qoldanyldy. Al jasóspirimderdiń ózderi profılaktıkalyq esepke alyndy, - dep habarlady polıtsııadan.

Sondaı-aq polıtsııa departamenti kámeletke tolmaǵan jasóspirimderdiń kóńil kóterý ornyna kirýine jol bergen mekeme ıesine qatysty da ákimshilik shara qoldanatynyn málimdedi.

– Bul oıyn-saýyq ornynyń qyzmetin toqtatý jáne jabý týraly usynym sotqa joldandy, - dep habarlady polıtsııadan. 

Eske salaıyq, buǵan deıin Almatyda polıtsııa qylmys jıi tirkelgen túngi klýbtardy «aqyldy kameralarmen» baqylaıtynyn jazǵanbyz.