Almatyda Joshy týraly fılmniń premerasy boldy
ALMATY. KAZINFORM — Almatyda «Joshy han. Uly ulystyń ámirshisi» atty derekti-kórkem fılmniń jabyq kórsetilimi ótti.

Belgili jýrnalıst, prodıýser Maııa Bekbaevanyń bastamasymen Qazaqstan Respýblıkasy Prezıdenti Teleradıokesheniniń qoldaýymen túsirilgen fılm 20 naýryzda elimizdiń barlyq kınoteatrynda jaryqqa shyǵady.

— Joshynyń oqıǵasy biregeı ári erekshe. Biz fılmde qaı zamannan joıylmaǵan qazaq memlekettiligine basa nazar aýdaryp, onyń joqtan paıda bolmaǵanyn kórsetkimiz keldi.
Byltyr Ulttyq Quryltaıda Prezıdent 2024 jyly Altyn Orda mereıtoıyn atap ótýi tıis ekenin jáne búgingi Qazaqstan Altyn Ordanyń murageri ekenin aıtqan soń, bizdiń komanda Joshy týraly fılm túsirý kerek ekenin túsindi. Kópshiligimiz Aqsaq qulan týraly ańyzdy bilemiz, ol jyldar boıy aýyzdan-aýyzǵa tarady. Tarıhı tulǵanyń ómiri, týylýy men ólimi qupııaǵa toly. Sondyqtan biz shyǵarmashylyq adamdary retinde dál osy taqyrypty ashýǵa qyzyǵýshylyq tanyttyq, — dedi Maııa Bekbaeva.

Fılmdi túsirý úshin kıno komanda belgili túrkitanýshy Tımýr Kozyrevpen keńesip, sol kisiniń kómegimen dıalogtardy túrki jáne mońǵol tilderinde jazǵan.

Fılmde bul dıalogtar saqtala otyryp, orys tiline dýblıajdalǵan.

Sondaı-aq qazaq tilinde sýbtıtrler qoıylǵan.

Fılmde bas keıipker — Joshy hannyń rólin jas akter Shynǵys Beıbituly somdady.
Al Shyńǵys han rólinde talantty akter Bolat Uzaqov tústi.

Kınotýyndynyń túsirilimi Astanada jáne onyń aınalasyndaǵy aýyldarda ótti.

Fılmniń saýndtrek ánderin Maııa Bekbaeva jazdy.

Bul onyń kompozıtor retindegi alǵashqy tájirıbesi boldy.

Eske salaıyq, buǵan deıin 20 naýryzdan bastap Joshy han týraly fılm kınoteatrlarda kórsetiletinin jazǵanbyz.