Almatyda jóndeý júrgiziletin kóshelerdiń tizimi jarııalandy
ALMATY. KAZINFORM – Almatynyń negizgi kóshelerinde jóndeý jumystary bastaldy.
Jol ınfraqurylymyn damytý basqarmasy málimetinshe, qazirgi ýaqytta 22 myń sharshy metrden astam jol tósemi jóndeledi. Olardyń qatarynda Gogol, Tóle bı, Rozybakıev, Maqataev, Naýryzbaı batyr, Baıtursynuly, Mámetova, Qonaev kósheleri, sondaı-aq Abaı, Rysqulov, Seıfýllın, Abylaı han dańǵyldarynyń jáne basqa da magıstraldyq kóshelerdiń jekelegen ýchaskeleri bar. Bul jumys aıasynda 110 lıýk kóterilip, 159 lıýk aýystyrylǵan jáne 281 jańbyr sýyna arnalǵan naýa jańartyldy.
- Qazirgi tańda Zenkov jáne Jetisý kósheleriniń jekelegen ýchaskelerinde ortasha jóndeý jumystary júrgizilip jatyr. Jalpy, ortasha jóndeýmen uzyndyǵy 290 shaqyrym bolatyn 360 kósheni, onyń ishinde 17 magıstraldyq kósheni qamtý josparlanǵan. Sonymen qatar, Naýryzbaı jáne Alataý aýdandarynda jol qurylysy bastaldy. Jospar boıynsha 68 shaqyrym jol tósemi salynady, - dep habarlady basqarmadan.
Eske salaıyq, Almatynyń Ál-Farabı dańǵylyndaǵy jańa jolaıryq jobasy keıingi qaldyryldy.
Buǵan deıin Almatyda 300 myń sharshy metrden astam jol tańbasy syzylatynyn jazǵanbyz.
