Almatyda jóndeý jumystaryna baılanysty bir kóshede qozǵalys shekteledi
ALMATY. KAZINFORM – J. Úshkempirov kóshesiniń bir bóliginde ortasha jóndeý jumystarynyń júrgizilýine baılanysty kólik qozǵalysyna ýaqytsha shekteý engiziledi.
Atap aıtqanda, 26 mamyr saǵat 23:00-den 27 mamyr saǵat 06:00-ge deıin ál-Farabı dańǵylynan 5-tuıyq kóshesine deıingi ýchaskede qozǵalys tolyq jabylady.
Sonymen qatar 28 mamyr saǵat 23:00-den 29 mamyr saǵat 06:00-ge deıin de ál-Farabı dańǵylynan 5-tuıyq kóshesine deıingi aralyqta kólik qozǵalysy shekteledi.
– Jóndeý júrgizilip jatqan aýmaqtarda merdiger uıym basshysynyń baılanys aqparaty kórsetilgen eskertý belgileri men aqparattyq stendter ornatylady. Turǵyndardan baǵyttaryn aldyn ala josparlaýdy suraımyz, - delingen habarlamada.
Eske salaıyq, buǵan deıin Almatynyń birneshe kóshesinde qozǵalys shemasy ózgeretinin habarlaǵanbyz.
23 mamyrdan bastap Ýálıhanov kóshesiniń Qabanbaı batyr kóshesinen Qazybek bı kóshesine deıingi bóliginde soltústik baǵytta birjaqty qozǵalys engizildi.
Sondaı-aq Jýkov kóshesinde (ońtústik baǵytta) jáne Manaev kóshesinde (soltústik baǵytta) Zataevıch kóshesinen Ahmedıarov kóshesine deıingi aralyqta birjaqty qozǵalys uıymdastyrylady.
