Almatyda joldaǵy janjal kezinde júrgizýshini urǵan kúdikti ustaldy
ASTANA. KAZINFORM — Áleýmettik jelilerge júrgizilgen monıtorıng barysynda polıtsııa qyzmetkerleri Almaty qalasynda júrgizýshiler arasynda bolǵan jol janjaly túsirilgen beınejazbany anyqtady.
Polıtsııanyń málimetinshe, jarııalanǵan beınekadrlarda janjalǵa qatysýshylardyń biri ekinshi júrgizýshige kúsh qoldanǵany kórinedi.
Bul derek boıynsha polıtsııa tarapynan dereý sotqa deıingi tergeý bastaldy.
— Kúdikti anyqtalyp, ustaldy jáne ýaqytsha ustaý ızolıatoryna qamaldy. Tergeý barysy Almaty qalasy polıtsııa departamenti basshylyǵynyń baqylaýynda, — delingen habarlamada.
Polıtsııa joldaǵy kez kelgen janjaldy jaǵdaılar tek zań aıasynda sheshilýi tıis ekenin eskertti. Jol qozǵalysyna qatysýshylarǵa kúsh qoldaný zańda belgilengen jaýapkershilikke ákep soǵady.
Eske salaıyq, buǵan deıin Almatyda shetel azamatyna til tıgizip, kúsh kórsetken er adam ustalǵanyn jazǵanbyz.
