Almatyda jolaýshylardyń 49%-y jolaqysyn tólemeıdi

ALMATY. KAZINFORM — Almaty ákiminiń orynbasary Almashan Smatlaev brıfıng kezinde ákimdik qoǵamdyq kólik qoljetimdiligin qalaı arttyrýdy josparlap otyrǵanyn aıtty. 

Ol avtobýstarǵa baılanysty halyq naryzylyǵymen tanys ekenin málimdedi. Aıtýynsha, bul máseleni sheshý úshin qazir tıisti jumystar júrgizilip jatyr.

— Birinshi — jańa úsh avtopark salyp jatyrmyz. Ekinshiden, qalada qoǵamdyq kólikke arnalǵan janar-jaǵarmaı beketteri bolmaǵan, bári bireýine ǵana baratyn. Qazir avtoparkterdiń janynda osyndaı janarmaı beketteri salynady. Jyl sońyn deıin bul jumystar bitedi, — dedi ol.

Sonymen qatar Almashan Smatlaev qoǵamdyq kólik marshrýttaryn baqylaý úshin 412 maman jumys isteıtin jedel qozǵalys ortalyǵyn ashylǵanyn atap ótti.

— Bizde 3500 avtobýs pen 3800 júrgizýshi bar. Ortalyq mamandary kúnde ár marshrýtty tekseredi. Qazir qaı marshrýtta qandaı júkteme bar ekenin sanap jatyrmyz. Bul — bir kúnde sheshiletin suraq emes. Bizdiń derekterimiz boıynsha jolaýshylardyń 49%-y jolaqy tólemeıdi. Árıne, jumysyna durys qaraımaıtyn júrgizýshiler bar. Biraq halyqtan da jolaqyny tóleýdi suraımyz. Jarty jyldyń ishinde naqty esepteý júrgizilgen soń, qandaı baǵyttardy avtobýs sanyn kóbeıtý kerek, qaısysyn jańartý kerek ekenin naqtylaımyz. Odan bólek biz qaladaǵy avtobýs jolaqtarynyń sanyn kóbeıtkeli jatyrmyz. Bul jaıly aldaǵy ýaqytta habarlaımyz, — dedi ákim orynbasary.

Eske salaıyq, buǵan deıin Almatyda ótkelderdegi lıftini qoldaný máselesi qalaı sheshiletinin jazǵanbyz.