Almatyda jolaýshylar trolleıbýsy órtendi
ALMATY. KAZINFORM — Almatydaǵy Áýezov aýdanynda jolaýshylar trolleıbýsynan órt shyqty.
Oqıǵa Áýezov aýdany Baýyrjan Momyshuly men Marǵulan kósheleriniń qıylysynda bolǵan.
Almaty tótenshe jaǵdaılar departamentiniń málimetinshe, trolleıbýstyń tóbesindegi elektr symdary janyp ketti.
Oqıǵa ornyna órt sóndirý eseptoptary dereý jetip, órtti dereý óshirdi. Qutqarýshylar kelgenge deıin jolaýshylar kólikten ózdiginen shyqty. Zardap shekkender joq.
Órttiń shyǵý sebebi anyqtalyp jatyr.
Eske salaıyq, Almatydaǵy asa qaýipti ınfektsııalar ortalyǵynda órt shyqqan edi. Órtti sóndirýge jeke quramnan 20 adam jáne bes arnaıy tehnıka jumyldyryldy.
