Almatyda jolaýshylar avtobýs júrgizýshisin uryp, esinen tandyrdy
ALMATY. KAZINFORM - Almatyda bir top buzaqy avtobýstaǵy jolaýshyny, odan keıin qoǵamdyq kóliktiń júrgizýshisin uryp tastady. Oqıǵa beınejazbasy áleýmettik jelide tarady.
Beınejazbadan avtobýs salonynda jolaýshylar arasynda janjal shyqqanyn kórýge bolady. Olardy ajyratýǵa barǵan kólik júrgizýshisiniń ózi de soqqynyń astyna qalyp, esinen tanyp qalǵan.
Almaty qalasynyń Polıtsııa departamenti janjalǵa qatysýshylardyń áreketine quqyqtyq baǵa beriletinin habarlady.
- Atalǵan derek boıynsha Jetisý aýdandyq polıtsııa basqarmasy tergeý júrgizip jatyr. Qaqtyǵysqa qatysýshylardyń kim ekeni jáne aldyn ala mán-jaılar anyqtaldy. Olardyń árqaısysynyń áreketine quqyqtyq baǵa beriletin bolady, - dep habarlady qalalyq Polıtsııa departamentiniń baspasóz qyzmeti.
Osyǵan deıin Almaty mańynda kondýktor júrip bara jatqan avtobýstan qulap, mert bolǵanyn jazdyq.
Sondaı-aq Almatyda eki kúnde eki zeınetkerdi avtobýs qaǵyp ketti. Avtobýsqa qarýmen kirgen er adam ustaldy.
