Almatyda jolaýshy avtobýs júrgizýshisin urdy: polıtsııa tekseris bastady

ALMATY. KAZINFORM — Almatyda jolaýshy qoǵamdyq kólik júrgizýshisine qol jumsady. 

Oqıǵanyń beınejazbasy áleýmettik jelide tarady. Odan jolaýshy men avtobýs júrgizýshisi arasyndaǵy kıkiljiń tóbeleske ulasqanyn kórýge bolady.

Almaty qalasy polıtsııa departamentiniń málimetinshe, buzaqylyq belgisi boıynsha Naýryzbaı aýdandyq polıtsııa basqarmasymen qylmystyq is qozǵaldy. Qazir polıtsııa qyzmetkerleri jedel-izdestirý sharalaryn júrgizip jatyr.

— Janjaldyń barlyq qatysýshysy tolyǵymen anyqtalady. Olardyń árqaısysynyń áreketine zań aıasynda tıisti quqyqtyq baǵa berilip, Qazaqstan Respýblıkasynyń zańnamasyna sáıkes qajetti sharalar qoldanylady, — dep habarlady departamentten.

Eske salaıyq, 2023 jyly Almatyda № 47 baǵyttaǵy qoǵamdyq kóliktiń ishindegi jolaýshy janjal shyǵaryp, júrgizýshi áıeldi urǵan bolatyn. Saldarynan áıel esinen tanyp, kólikti basqara almaı, aıaldamada turǵan bir top adamdy qaqqan.

Apat saldarynan 7 adam zardap shegip, 3 adam qaza boldy.

Sot bul oqıǵa boıynsha Darhan Ahmetjanovty Qylmystyq kodeksiniń 351-babynyń 3-bóligi jáne 293-babynyń 1-bóligi boıynsha kináli dep tanyp, 8 jylǵa bas bostandyǵynan aıyrdy.