Almatyda jol jóndeıtin merdigerlerge talap kúsheıtilmek

ALMATY. KAZINFORM — Almatyda joldaǵy shuńqyrlardy jóndeý jumystary boıynsha merdigerlerge qoıylatyn talap kúsheıtiledi.

Bul týraly Alataý aýdanynyń turǵyndarymen kezdesý barysynda qala ákimi Erbolat Dosaev aıtty.

Turǵyndardyń aıtýynsha, jol jóndeý kezinde oı-shuńqyrlar der kezinde jabylmaıdy.

Almaty ákimi atalǵan másele boıynsha, mobıldilik basqarmasynyń basshysy Saǵyndyq Telibaevty ornynan turǵyzdy. 

— Reglament boıynsha, eger asfalt oıylsa, ol jumys kúniniń sońyna deıin qalpyna keltirilýi tıis, — dedi basqarma basshysy.

Qala ákimi kelisimsharttyq mindettemelerde bul normalar jazylǵanyn, biraq merdigerler asfalttyń ýaqytynda jetkizilmegenin nemese tehnıkanyń jetkiliksiz ekenin aıtyp, osy talaptardy oryndaı bermeıtinin atap ótti. 

— Reglament bar, demek shuńqyrlardy jóndeýge jaýapty aýdandyq ákimdikter bul máselege baqylaýdy kúsheıtedi, — dedi Erbolat Dosaev.

Sondaı-aq, qala basshysy osyndaı jaǵdaılar boıynsha qala turǵyndary «e-Otinish», «Open Almaty» ákimdiginiń qoǵamdyq qabyldaýy nemese jol ınfraqurylymyna arnalǵan Almaty_Joly arnaıy Telegram-arnasynyń @almatyjolybot chat-boty arqyly habarlasa alatynyn tilge tıek etti.

Eske salaıyq, 2025 jyly Almatyda 300 shaqyrym jol jóndeledi.