Almatyda jol jóndeý kezinde júk kóligi opyrylǵan jerge túsip ketti
ALMATY. KAZINFORM — Almatyda taǵy da jol jabyny opyryldy.
Almaty ákimdiginiń málimetinshe, Qordaı kóshesinde merdiger uıym «SK Star Veı» JShS aýyzsý júıesin qaıta jańǵyrtý jumystaryn júrgizip jatyr. Jobanyń tapsyrys berýshisi — «Almaty Sý» mekemesi.
— Qordaı kóshesinde transheıany kómý barysynda arnaıy tehnıka turǵan jerde jol opyrylyp tústi. Oqıǵa ornyna mamandar men ákimdik qyzmetkerleri shyqty. Qazirgi ýaqytta transheıa keri kómilip, qum-qıyrshyq qospasy jáne ballast paıdalanylyp jatar. Barlyq jumys baqylaýda, — dep habarlady ákimdikten.
Sondaı-aq qala basshylyǵy qazir jelige qosý jumystary men asfalt tóseý jumystary qatar atqarylyp jatqanyn atap ótti.
— Jol jabyny tolyqtaı qalpyna keltiriledi. Jumystardy aıaqtaý merzimi osy jyldyń 15 qazanyna deıin, — delingen málimdemede.
Eske salaıyq, buǵan deıin Almatyda jol jabyny opyrylyp, 13 avtokólik zaqymdandy.
Sondaı-aq osyǵan uqsas jaǵdaı Almaty oblysynda boldy. Júk kóligi qazylǵan transheıaǵa qulap ketti.