Almatyda jol ústinde júrgizýshini aıaýsyz urǵandar izdestirilip jatyr

ALMATY. KAZINFORM - Áleýmettik jelide jol ústinde tóbeles shyǵaryp, kólik júrgizýshisin aıaýsyz urǵan adamdardyń beınejazbasy tarady. Oqıǵaǵa baılanysty Polıtsııa departamenti buzaqylyq deregi boıynsha qylmystyq is qozǵady.

Vıdeoǵa kólik júrgizýshisin birneshe adamnyń teýip jatqany túsip qalǵan.

Atalǵan jaǵdaıǵa baılanysty Almaty qalasy Polıtsııa departamenti túsinikteme berdi. 

- Buzaqylyq deregi boıynsha qylmystyq is qozǵaldy. Oqıǵaǵa qatysýshylardy anyqtaý maqsatynda jedel-izdestirý sharalary kesheni júrgizilýde. Kúdiktiler mindetti túrde ustalyp, jaýapqa tartylatyn bolady. Oqıǵanyń basqa da mán-jaılary anyqtalýda, - dep habarlaıdy department baspasóz qyzmeti.

Eske salaıyq, buǵan deıin Almaty mańyndaǵy toıda myltyq atqandar izdestirilip jatqanyn jazǵan edik.

Jedel-izdestirý is-sharalarynan soń quqyqbuzýshylar ustalyp, ýaqytsha ustaý ızolıatoryna qamalǵan.