Almatyda jol ústinde tapanshamen janjal shyǵarǵandar ustaldy

ALMATY. KAZINFORM — Almatyda eki júrgizýshi jol ústinde janjal shyǵardy.

Oqıǵanyń beınejazbasy áleýmettik jelide tarady. Onda eki adamnyń bireýi qolynda tapanshaǵa uqsas zatty ustap turǵanyn kórýge bolady.

Almaty qalasynyń polıtsııa departamenti beınejazbadaǵy adamdar anyqtalǵanyn habarlady.

— Túrksib aýdandyq polıtsııa bóliminiń qyzmetkerleri júrgizgen tekserý barysynda er adamnyń qolyndaǵy zat tapansha emes, sonyń pishinindegi ottyq ekeni anyqtaldy. Er adam dereý ustalyp, onyń áreketteri usaq buzaqylyq retinde baǵalandy. Almaty qalasynyń mamandandyrylǵan ákimshilik sotynyń sheshimimen ol ákimshilik jaýapkershilikke tartylyp, 15 táýlikke qamaýǵa alyndy, — dep habarlady departamentten.

Eske salaıyq, UQK qyrkúıek aıynda 62 qarý-jaraq, onyń ishinde 3 Kalashnıkov avtomaty, 16 tapansha, 43 myltyq, 4 granata jáne 4 myńnan astam oq-dári tárkiledi.