Almatyda jol talǵamaıtyn kólikpen eki moped soqtyǵysyp, bir adam kóz jumdy

ALMATY. KAZINFORM –  Almatyda eki moped pen jol talǵamaıtyn kólik soqtyǵysyp, oqıǵa ornynda bir adam kóz jumdy. 

Jol apatynyń vıdeosy áleýmettik jelide tarady. 

Qalalyq Polıtsııa departamentiniń baspasóz qyzmetinen málim etkendeı, jol apaty 13 sáýir kúni saǵat 19:20 shamasynda Tóle bı men Sháripov kóshesiniń qıylysynda bolǵan.

«Aldyn ala málimet boıynsha, mopedterdiń biri kóshe qıylysynda baǵdarshamyń tyıym salynǵan túsine qaramastan shyǵyp ketken. Saldarynan 2003 jyly týǵan azamat sol jerde kóz jumdy. Tıisti saraptamalar taǵaıyndaldy», - dep habarlady qalalyq polıtsııa departamentiniń baspasóz qyzmetinen. 

Eske sala keteıik, buǵan deıin Almaty áýejaıynda memleketaralyq izdeýde júrgen qylmysker ustalǵanyn habarlaǵan edik.