Almatyda Jol qozǵalysyn uıymdastyrý ortalyǵy qurylady

ALMATY. KAZINFORM – Almaty ákimi megapolıstegi jol qozǵalysyna qatysty máseleler qalaı sheshiletinin aıtty.

Erbolat Dosaev Almaly aýdanynyń turǵyndarymen kezdesýi barysynda baǵdarshamdar jumysyndaǵy aqaý jáne kólik qozǵalysyna qatysty suraqqa jaýap berdi.

- Qalada joldaǵy qozǵalysty basqarý men qaýipsizdikpen qamtamasyz etý jumystary júrgizilip jatyr. Qaladaǵy barlyq baǵdarsham kompleksteriniń, olardyń sany - 585, tek 91-i zamanaýı talaptarǵa saı keledi. Bıyl biz baǵdarshamdardy aýystyrý boıynsha aýqymdy jumysty bastaımyz. Sondaı-aq buryn eshqashan bolmaǵan Jol qozǵalysyn uıymdastyrý ortalyǵyn quramyz. Búgingi kúni bul qyzmet Polıtsııa departamentiniń quzyretinde. Biraq Іshki ister mınıstrliginiń maquldaýymen endi polıtsııa qaýipsizdik suraqtaryna jaýap berse, al jol qozǵalysyn ákimdik basqaratyn bolady. Bul joba daıyndalyp jatyr jáne osy jyldyń kúzinde bastaımyz dep úmittenemiz, - dedi shahar basshysy.

Eske salaıyq, buǵan deıin Almatyda eki kúnde 21 zańsyz ornatylǵan dúńgirshek buzylǵanyn jazǵanbyz.