Almatyda jol-kólik oqıǵasynan mopedshi qaıtys boldy

ALMATY. KAZINFORM - Almatynyń Jansúgirov jáne Jumabaev kósheleriniń qıylysynda jeńil kólik pen moped soqtyǵysyp, moped júrgizýshisi mert boldy.

Atalǵan jaǵdaıǵa baılanysty Almaty qalasynyń Polıtsııa departamenti túsinikteme berip, qylmystyq is qozǵalǵanyn habarlady.

«Jol-kólik oqıǵasy 3 maýsym kúni 21:20-da Jetisý aýdanynda boldy. Jansúgirov pen Jumabaev kósheleriniń qıylysynda moped jáne Toyota Land Cruiser avtokóligi soqtyǵysyp, nátıjesinde moped júrgizýshisi qaıtys bolyp, onyń jolaýshysy aýrýhanaǵa jetkizildi. Aldyn ala boljam boıynsha jol júrý erejesin moped júrgizýshisi óreskel buzǵan. Qazirgi ýaqytta qylmystyq is qozǵalyp, tıisti saraptamalar taǵaıyndaldy», - deparatment baspasóz qyzmeti.

Eske salaıyq, buǵan deıin Almatyda 22 jastaǵy moped júrgizýshisi júk kóligimen soqtyǵysyp, mert bolǵanyn jazǵan edik.