Almatyda jol erejesin buzyp, qarý kórsetken júrgizýshi ustaldy
ALMATY. KAZINFORM – Almatyda jol ústinde qarýǵa uqsas zat alyp júrgen azamat ustaldy.
Áleýmettik jelide qala kósheleriniń birinde bolǵan oqys oqıǵanyń beınejazbasy tarady. Onda júrgizýshi ekinshi kóliktiń jolyn jaýyp, oǵan qarýǵa uqsas zatty baǵyttaıdy.
Almaty qalasynyń Polıtsııa departamenti atalǵan azamat anyqtalyp, polıtsııaǵa jetkizilgenin málimdedi. Tekserý barysynda beınejazbada kórsetilgen zattyń oıynshyq tapansha ekeni jáne atys qarýyna jatpaıtyny da anyqtalǵan.
- Quqyq buzýshyǵa usaq buzaqylyq deregi boıynsha ákimshilik is qozǵalyp, materıaldar sotqa joldandy. Sonymen qatar oǵan jol qozǵalysy erejelerin buzý faktisi boıynsha da ákimshilik is qozǵaldy, - dep habarlady departamentten.
Eske salaıyq, buǵan deıin Almatyda júrgizýshini tapanshamen qorqytqan azamat ustaldy.
