Almatyda jol erejesin 81 ret buzǵan júrgizýshi ustaldy

Almatyda Toyota kóliginiń júrgizýshisi 81 ret jol erejesin buzyp, bir mln astam aıyppul arqalady, dep habarlaıdy Kazinform.

Almaty qalalyq Polıtsııa departamentiniń málimetinshe, jol erejesin buzǵan kólik Grýzııada tirkelgen. Júrgizýshige salynǵan aıyppuldyń kólemi 1 mıllıon 29 myń 615 teńgeni qurady.

«Bul buzýshylyqtar qaladaǵy beınejúıe arqyly tirkelgen. Júrgizýshi 81 ret jol erejesin buzǵan, kóbine jyldamdyqty asyrǵan. Ony «Qorǵaý – qaýipti júrgizýshi» avtomattandyrylǵan júıesi arqyly anyqtap, ustadyq», - dedi Almaty polıtsııa departamentiniń jergilikti polıtsııa qyzmetiniń bastyǵy Erjan Uzabaev. 

Polıtseıdiń sózinshe, kólik arnaıy aıyp turaǵyna ornalastyryldy.