Almatyda jol apatynan jaıaý júrginshi mert boldy
ALMATY. KAZINFORM – Almatyda túngi ýaqytta jeńil kólik jaıaý júrginshini qaǵyp ketti.
Almaty qalasy Polıtsııa departamentiniń málimetine sáıkes, jol-kólik oqıǵasy 9 aqpan saǵat 22:05-te Jetisý aýdanynda bolǵan. Súıinbaı dańǵylymen ońtústikke qaraı kele jatqan Exit markaly avtokólik joldan ótpek bolǵan jaıaý júrginshini qaǵyp ketken.
- Jol apatynan er adam qaza boldy. Jol-kólik oqıǵasyna baılanysty qylmystyq is qozǵady, - dep habarlady Polıtsııa departamentinen.
Eske salaıyq, buǵan deıin Almatyda jolaýshylar avtobýsy urlaǵanyn jazǵanbyz. Sonymen qatar Almaty oblysynda mas er adam avtobýsty aıdap ketip, jol apatyna ushyraǵany týraly jazǵan edik.
