13:22, 07 Qańtar 2025 | GMT +5
Almatyda jol apatynan 6 adam zardap shekti
ALMATY. KAZINFORM — Túnde Almatyda Medeýge barar jolda eki kólik soqtyǵysyp, alty adam zardap shekti.
Onyń vıdeosy áleýmettik jelide tarady.
— Kia kóliginiń júrgizýshisi Kereı-Jánibek Handar kóshesimen ońtústik baǵytta kele jatyp, qarsy baǵytqa shyǵyp ketip, sol kóshemen soltústik baǵytta júrip bara jatqan Toyota Mark 2 kóligimen soqtyǵysqan, eki kóliktiń júrgizýshisi men Toyota Mark 2-niń úsh jolaýshysy jáne Kia kóliginiń bir jolaýshysy zardap shekti, — dep habarlady Almaty polıtsııasynyń baspasóz qyzmeti.
Almatynyń Medeý aýdandyq polıtsııa basqarmasynyń qyzmetkerleri jol apatynyń mán-jaıyn anyqtaýǵa kiristi.
Osyǵan deıin Almatynyń Jetisý aýdanynda kólik elektr baǵanyna soqtyǵysyp, júrgizýshi mert bolǵany týraly jazǵan edik.