Almatyda jol apatynan 23 adam zardap shekti: naýqastardyń jaǵdaıy belgili boldy
ALMATY. KAZINFORM — Almatyda jol-kólik oqıǵasy saldarynan 23 adap zardap shekti.
Almaty qalasy Qoǵamdyq densaýlyq saqtaý basqarmasynyń málimetinshe, 4 bala №2 balalar aýrýhanasyna, 7 eresek adam №7 Qalalyq klınıkalyq aýrýhanaǵa jetkizilgen.
— Tekserýden jáne qajetti medıtsınalyq kómek kórsetýden keıin olardyń barlyǵy ambýlatorııalyq emdelýge jiberildi. Qalǵan zardap shekkender Almaty kópsalaly klınıkalyq aýrýhanasyna jetkizildi, — dep habarlady basqarmadan.
Al Almaty kópsalaly klınıkalyq aýrýhanasynyń málimetine sáıkes, aýrýhananyń qabyldaý bólmesine 12 adam kelip túsken. Naýqastardyń jaǵdaıy ortasha aýyrlyqtaǵy jáne qanaǵattanarlyq dep baǵalanǵan.
— Barlyq zardap shekkenderdi dárigerler qarady, sodan keıin olar turǵylyqty jeri boıynsha ambýlatorııalyq emdelýge jiberildi, — delingen emhana jaýabynda.
Eske salaıyq, keshe Alataý aýdanynda júk kóligi 3 jeńil kólikpen jáne avtobýspen soqtyǵysty.