Almatyda jol apatynan 19 jastaǵy moped jolaýshysy mert boldy

ALMATY. KAZINFORM – Almatyda jol-kólik oqıǵasynyń saldarynan bir adam qaıtys boldy.

Almaty qalasy Polıtsııa departamentiniń málimetinshe, jol-kólik oqıǵasy keshe saǵat 20:50-de Almatynyń Alataý aýdanynda bolǵan.

- Móńkeuly kóshesimen batys baǵytta kele jatyp, Súmbile kóshesiniń qıylysynda moped júrgizýshisi «Jol ber» belgisine qaramaı jol qıylysyna shyǵyp ketip, soltústik baǵytta kele jatqan «Hovo» júk kóligimen soqtyǵysqan. Oqıǵa saldarynan mopedtiń 19 jastaǵy jolaýshysy alǵan jaraqattarynan oqıǵa ornynda kóz jumdy, - dep habarlady departamentten.

Polıtsııa adam ólimine ákep soqtyrǵan jol-kólik oqıǵasyna qatysty qylmystyq is qozǵady.

Eske salaıyq, buǵan deıin Almatyda jol erejesin buzǵan bir top moped júrgizýshisi jazalanǵanyn jazǵanbyz.