Almatyda joǵalǵan 22 jastaǵy jigittiń denesi tabyldy

ALMATY. KAZINFORM – Almaty volonterleri 12 mamyr kúni joǵalǵan 22 jastaǵy jigittiń denesi tabylǵanyn áleýmettik jelide habarlady.

Jazbada 2002 jylǵy azamattyń 12 mamyr kúni Medeý aýdany, Dýman yqsham aýdany, QR Táýelsizdigine on jyl kóshesindegi úıinen shyǵyp qaıtyp oralmaǵany jazylǵan. Sondaı-aq atalmysh habarlamada almatylyq jigittiń denesi 18 mamyr kúni tabylǵany habarlanǵan.

Aıtylǵan jaǵdaıǵa baılanysty Almaty qalalyq polıtsııa Departamenti qylmystyq is qozǵady.

«Úıinen shyǵyp ketip, qaıtyp oralmaǵan er adamnyń máıiti tabylý deregi boıynsha qylmystyq is qozǵaldy. Denesinde zorlyq-zombylyq belgileri joq. Tergeý júrgizilýde, sot-medıtsınalyq saraptama taǵaıyndaldy», – dep habarlady Almaty qalasy Polıtsııa departamentiniń baspasóz qyzmeti.