Almatyda jobadan aýytqyǵan qurylys nysany anyqtaldy
ALMATY. KAZINFORM – Almatyda ınjenerlik jelilerdiń qurylys nysandaryn ınspektsııalaý bastaldy.
Almatynyń qala qurylysyn baqylaý basqarmasynan atap ótkendeı, mundaı nysandar jobalyq qujattamanyń jáne jumystardy uıymdastyrý normalarynyń sáıkestigine tekseriledi.
– «Samryk SD» JShS merdigerlik uıymynyń Raqyshev kóshesi boıynsha kabel jelilerin tóseý obektisin ınspektsııalaý nátıjesinde kózben sholyp tekserý kezinde kabel tóseý tereńdigi bóliginde jobadan aıtarlyqtaı aýytqý anyqtaldy. Sonymen qatar, búkil kóshede qorshaý men eskertý belgileri joq bolyp shyqty, – dep habarlady basqarmadan.
Dál osyndaı buzýshylyqtar Salyqov pen Ótegenov kósheleriniń qıylysynda da anyqtaldy.
– Basqarma ınspektorlary obektilerdegi qurylys-montajdaý jumystaryn toqtatty, al merdigerge qatysty jospardan tys tekserý aıasynda ákimshilik sharalar qabyldanatyn bolady,– dep atap ótti vedomstvodan.
Esterińizge sala keteıik, osy jyly Almatyda qurylys-montajdaý jumystarynyń tirek jáne (nemese) qorshaý konstrýktsııalaryn turǵyzýǵa jáne rekonstrýktsııalaýǵa qoıylatyn talaptarǵa sáıkestigin ınspektsııalaý úshin qurylys obektilerine barý tártibi kúshine endi.