Almatyda Jırınovskııge eskertkish ornatyla ma

ALMATY. KAZINFORM — Reseıdiń buqaralyq aqparat quralynda Almatyda saıasatker Vladımır Jırınovkııge eskerkish ornatylatyny týraly aqparat tarady.

Osyǵan baılanysty Almaty qalasynyń mádenıet basqarmasy túsinik berdi.

— V.Jırınovskııge eskertkish ornatý týraly ótinish túsken joq. Almaty qalasynyń tarıh jáne mádenıet eskertkishterin qorǵaý jónindegi komıssııa tıisti usynysty qarastyrǵan joq, — dep jaýap berdi Kazinform agenttiginiń saýalyna basqarmadan.

Eske salaıyq, LDPR basshysy Vladımır Jırınovskıı 2022 jyly 76 jasynda qaıtys boldy. 

Buǵan deıin 2016 jyly Máskeýde Jırınovskııge 3 metrlik eskertkish qoıylǵan edi. 

Aıta keteıik, ol 1946 jyly Almatyda dúnıege kelgen.