Almatyda jylý qubyry jarylyp, birneshe úıde ystyq sý óshirildi
ALMATY. KAZINFORM – Almatyda Sátbaev pen Baıtursynov kósheleriniń qıylysynda jylý qubyry jaryldy.
Onyń vıdeosy áleýmettik jelide tarady.
«Sátbaev pen Baıtursynov kósheleriniń qıylysynda jylý qubyry jarylyp, asfalt opyrylyp tústi. Sátbaev kóshesi eki jaqqa da jabyq», - delingen jazbada.
«Almaty jylý jelileri» JShS 4 mamyrda Baıtursynov kóshesinen shyǵysqa qaraı Sátbaev kóshesiniń boıynda bolǵan apat ýchaskesinde jedel brıgada jumys istep jatqanyn málimdedi.
«1988 jyly tóselgen jáne óziniń normatıvtik merzimin ótegen dıametri 500 mm qubyrdyń zaqymdanýyn joıý úshin Masanshy – Sátbaev – Markova – Qurmanǵazy kósheleriniń boıyndaǵy úılerge ystyq sý berý ýaqytsha toqtatyldy. Mundaǵy jylý qubyryn jańartý 2025 jylǵa josparlanǵan, bıyl qaıta qurý jobasy saraptamadan ótip jatyr», - dep atap ótti mekemeden.
Turǵyn úılerge ystyq sý búgin túnde beriledi.
«Azamattardan ýaqytsha qolaısyzdyqtarǵa túsinistikpen qaraýdy suraımyz», - delingen habarlamada.
Eske salsaq, buǵan deıin Almatyda sandyqtar kórmesi ótip jatqanyn habarlaǵan bolatynbyz.
