Almatyda jylý qubyry jaryldy
ALMATY. KAZINFORM – Almatyda gıdravlıkalyq jelilerdi josparly synaqtan ótkizý kezinde qaladaǵy janar-jaǵarmaı quıý beketteriniń biriniń mańynda jylý qubyry jaryldy. Onyń vıdeosy áleýmettik jelide tarady.
«Almaty jylý jelileri» JShS málimetinshe, búgin tańǵy saǵat 5:30 shamasynda qalada jylý jelileriniń josparly gıdravlıkalyq synaqtary kezinde Raıymbek dańǵyly men Mehanıkalyq kóshesi qıylysyna jaqyn jerden ótetin magıstraldyq qubyr ýchaskeleriniń birinde qubyr jaryldy.
«Dıametri 700 mm qubyr jarylǵannan keıin «Almaty jylý jelileri» JShS jedel toby shuǵyl túrde jarylys bolǵan jerdi anyqtap, zaqymdanǵan jerdi jóndeýge kiristi. Aldyn ala boljam boıynsha, onyń sebebi – 1966 jyly paıdalanýǵa berilgen qubyrdyń tozýy», - dep habarlady kompanııadan.
Buǵan deıin 17-28 maýsym aralyǵynda Almaty qalasynyń segiz aýdanynyń aýmaǵynda jylý jelilerine gıdravlıkalyq synaq júrgizilgeni týraly jazǵan edik.
